fbpx
體育主題 FeverSports 樂在球中 Podcasts

訪問香港Now Sports體育專欄撰稿人 – 陳弈圖Etto

佢,可能係全香港最年輕體育專欄作家,年紀輕輕,有分析力,所以左腳決定同陳弈圖「網上對弈」

「我的志願」,好多時都係童心未泯果一刻寫出嚟,我真心講從來無乜人同我 follow up,細個又唔知自己嘅 passion 喺邊,所以大個都未必記得,不了了之。不過,凡事總有例外,有 passion,又身體力行嘅小朋友都唔少嘅,最近我見過一位,我真係見過!

FeverSports「樂在球中」第一集,我左腳訪問香港 Now Sports 體育專欄撰稿人 – 陳弈圖 Etto。佢年紀輕輕,有分析力,訪問連結:

我諗番當我十一歲嘅時候(六年班),我都有志願,就係為香港南華會踢波,結果我響十五歲終於可以「上山」。雖然,只係短短兩年時間同只係踢過預備組,但係呢個人生體驗令我明白到,「我的志願」若果自己唔 follow up,多數無人幫倒你。自己嘅事自己做!所以,我要重寫「我的志願」,決定要快 Etto 一步做 KOL,哈哈哈哈哈哈!

當真,依家好多小朋友都有 passion 嘅,而真係 able & willing 好似 Etto 嘅例子相信好多都同屋企教導有方有關,睇嚟 Etto 會係文武全才,究竟佢會用數學去踢波,定係用數據分析去講波,我要拭目以待!

關於 Etto 簡介:陳弈圖(Etto),11歲男孩熱愛足球、扭計骰、圍棋及奧數,愛隊係車路士,夢想係成為數學家,最喜歡體育專欄作家 Matt Oldfield – Classic Football Heroes。

Etto 執筆之【場上對弈】

有關左腳:夢想成為足球員,俾老竇提醒,決定遠走他鄉到加拿大留學,結果留咗個人生。專業傳媒人及多媒體創作人,在加拿大多個主流及族裔媒體當電視及電台主播,FeverSports 係左腳回饋社會嘅人生 project,目的係希望更多人留意康體運動,達到身心靈健康。

 

Leave a Reply

%d bloggers like this: