fbpx
樂在球中 Podcasts

北美冰聯復賽概念是否可行?骨牌效應如何拆局?左腳訪問本地薑 – Ethan

【樂在球中 Podcasts】北美冰聯復賽概念是否可行?骨牌效應如何拆局?左腳訪問本地薑 - Ethan

回想番,我初到加拿大嘅時候,一無所知。屋企人為咗讓我加快學好啲英文,所以有線電視只有英文頻道,好彩係仲有幾個體育台好似 TSN 俾我望梅止渴。逐漸,我睇 hockey 同 golf 仲多過乜,當然,作為卡加利人,點可以唔睇唔支持 Calgary Flames,䁪下眼做咗球迷廿幾年,近年仲慶幸成為 Flames TV Chinese 嘅球會電視主播添。

新冠病毒影響全球體壇,等睇波等到我心痛。最近北美冰聯活躍幕後,研究重啟聯賽。當中仲有好多骨牌效應未必可以一時三刻解決到,所以今日我揾嚟一位本地冰球薑 Ethan,解究一下依家嘅環境。訪問 Youtube 連結:

Ethan 除咗打冰球,留意冰球消息,追捧冰球隊伍之外,仲有「一技之長」,大家不如去吓佢嘅 IG @Ethan_Chan0079 睇睇!

關於 Ethan Chan, a.k.a. Ethan The Chan Man:卡加利火焰隊球迷,最後因此打埋冰球,選擇最難打嘅龍門位置。喜歡 Calgary Flames 因為有歸屬感,具代表性,永不言敗。火焰隊亦積極回饋社會,成為榜樣。

樂在球中 Moment:Ethan 鍾意打冰球因為夠快,夠刺激,仲可以搵到人生哲理,認識新朋友,擴闊社交圈子。好老土,但係左腳絕對感同身受。

有關左腳:夢想成為足球員,俾老竇提醒,決定遠走他鄉到加拿大留學,結果留咗個人生。專業傳媒人及多媒體創作人,在加拿大多個主流及族裔媒體當電視及電台主播,FeverSports 係左腳回饋社會嘅人生 project,目的係希望更多人留意康體運動,達到身心靈健康。

Leave a Reply

%d bloggers like this: